|
Ko na meaalofa ki a Tui Tokelau ko ni moega, tifa, Pa,
Kiekie, Titi, Malo, Litua, Meakai, Takai Lauhulu ma ietahi mea.
Ko tagata nae matataku uma i te pule nae fakalogo ia
fanau ki o latou matua. Ko te pule a aliki nae mamalu
ma maopoopo ma lahi ai na tulafono ke pa lava ki na
tagata e fakahala e tatao i te fatu ke mate.
Kua lahi na huiga nei na kamata i na vaitaimi na pa
mai ai te talakiga o te tala lelei.
|