TALAAGA O FAKAOFO

I te kua manumalo o Fakaofo i te toe taua i te va ma Atafu ma Nukunonu nae lauiloa ai ko te fenua o Aliki. Ma nae iei na fakahalaga o Nukunonu ma Atafu nae kaumai ai na meaalofa ki a Tui Tokelau. He Atua nae 18 futu tona maualuga. Nei e iei te tama fakailoga e tu i loto o Fakafotu e fakamanatu ai ia Tui Tokelau.

Ko na meaalofa ki a Tui Tokelau ko ni moega, tifa, Pa, Kiekie, Titi, Malo, Litua, Meakai, Takai Lauhulu ma ietahi mea. Ko tagata nae matataku uma i te pule nae fakalogo ia fanau ki o latou matua. Ko te pule a aliki nae mamalu ma maopoopo ma lahi ai na tulafono ke pa lava ki na tagata e fakahala e tatao i te fatu ke mate. Kua lahi na huiga nei na kamata i na vaitaimi na pa mai ai te talakiga o te tala lelei.