FEHOKOTATIGA KUI KOMIPIUATA
Hiaki ifo te fehokotakiga komipiuta fou a Fakaofo i te http://www.tokelau.tk.
Ko na mahini na fakapipiki e he Kamupani ko Taloha Inc – Joost Zuurbier ma
Balder Alofs fehoahoani ki ei na tekinihi a Tokelau. Ko te polokalame e
fakaauau e na fanau a Tokelau ki Nukunonu ma Atafu, kae hao tupe he
Fakalapotopotoga Tokelau ki na tau o te hokotaga ma te Hatelite, ma na
mahini e fakaauau ai ki Nukunonu ma Atafu.
E iei na komipiuta kua avanoa I loto o te Ofiha o te Teletok e mafai
fakaaoga ke kui ai tenei fehokotakiga. Ko te kaufaigaluega a te
Teletok na maua e latou na akoakoga ki te fakapipikiga, kae ko na
kaufaigaluega a te Malo ma ni tino o te nuku na akoako ki te meli
uila ma te fehokotakiga kui komipiuta.
Talu te tatala o tenei atiake e matea te holoa kae maihe latou e fia
fehokotaki ma kaiga i nuku mamao.